B2B հանգանակություններ իրականացնող
«ՍՕՍ-Մանկական Գյուղեր» ՀԲՀ-ն փնտրում է հաղորդակցման դինամիկ հմտություններ ունեցող, մոտիվացված B2B հանգանակությունների մասնագետի, ով ունի սոցիալական ազդեցության նկատմամբ խոր հետաքրքրություն և պատրաստ է կառուցել երկարատև գործընկերական հարաբերություններ փոքր և միջին բիզնեսների հետ ՝ Հայաստանում և արտերկրում գտնվող հայկական սփյուռքի համայնքներում։
B2B հանգանակություններ իրականացնող
Աշխատանքային պարտականություններ
- Կառուցել և պահպանել գործընկերային հարաբերություններ փոքր և միջին բիզնեսի սեփականատերերի հետ Հայաստանում և հայկական սփյուռքի գոտիներում։
- Իրականացնել անմիջական հանդիպումներ (դեմ առ դեմ` F2F) բիզնեսի սեփականատերերի և ղեկավարների հետ՝ այցելելով նրանց խանութներ կամ գրասենյակներ՝ ավանդական F2F դրամահավաքի մեթոդներին նման, ներկայացնելու «ՍՕՍ-Մանկական Գյուղեր» ՀԲՀ-ն և գործընկերային հնարավորությունները։
- Ներկայացնել «ՍՕՍ-Մանկական Գյուղեր» ՀԲՀ-ի առաքելությունը, ծրագրերը և ազդեցությունը։ Բարձրացնել իրազեկվածությունը ծնողական խնամքից զուրկ երեխաների և «ՍՕՍ-Մանկական Գյուղեր» ՀԲՀ-ի կողմից իրականացվող ծրագրերի մասին։
- Համոզել ՓՄՁ գործընկերներին միանալ կազմակերպությանը որպես ՍՕՍ ընկերներ (ամսական նվիրատուներ)։
- Պարզ ներկայացնել ՍՕՍ ընկեր դառնալու ֆինանսական, հարկային արտոնությունների և տեսանելիության առավելությունները։
- Նախաձեռնել և համակարգել համատեղ F2F (դեմ առ դեմ) միջոցառումներ՝ կապ հաստատելով խոշոր ընկերությունների հետ և կազմակերպելով աշխատակիցների ներգրավվածության նիստեր (30 րոպեանոց հանդիպումներ, որտեղ մեր թիմը ներկայացնում է աշխատակիցներին մեր հիմնադրամը և խրախուսում է ամսական նվիրատվությունները)։
- Պահպանել հաճախորդների, կոնտակտների և ընթացիկ գործընկերությունների հստակ տվյալների բազա։
- Երբեմն երեկոյան հերթափոխով աշխատել տնից՝ սփյուռքի համայնքներին հասանելիություն ապահովելու համար՝ սփյուռքի գոտիներում մեր գործընկերների/խորհրդատուի հետ համակարգված աշխատանքով։
Անհրաժեշտ հմտություններ
- Առնվազն 1-2 տարվա համապատասխան աշխատանքային փորձ (ցանկալի է մարքեթինգի, դրամահավաքի, հաղորդակցության, բիզնեսի զարգացման կամ հաճախորդների հետ հարաբերությունների ոլորտում)։
- Բանավոր և գրավոր հաղորդակցման գերազանց հմտություններ։
- Հայերենի, ռուսերենի և անգլերենի ազատ տիրապետումը պարտադիր է։
- Համոզիչ, ոգևորված և նպատակասլաց անձնավորություն։
- Դրամահավաքի սկզբունքների, հարկային արտոնությունների մասին հիմնական գիտելիքներ կամ սովորելու պատրաստակամություն։
- Կազմակերպչական և ժամանակի կառավարման լավ հմտություններ։
Պահանջվող թեկնածուի մակարդակը՝ միջին մակարդակ
Լրացուցիչ տեղեկություն
Աշխատատեղին դիմելու համար անհրաժեշտ է ուղարկել Ձեր ինքնակենսագրությունը hr@sos-kd.am էլեկտրոնային հասցեին։
Էլեկտրոնային հասցեին ինքնակենսագրությունները ուղարկելիս, անհրաժեշտ է նամակի վերնագրում նշել պահանջվող պաշտոնի անվանումը՝ «B2B հանգանակություններ իրականացնող»: Այն դիմորդները, ովքեր չեն պահպանի նամակագրության վերոնշված պահանջը, կարող են վտանգել իրենց թեկնածության հաշվի առնման հնարավորությունը:
